विक्रोळीच्या टागोरनगर परिसरात 5 नव्या कोरोना बाधितांची नोंद

घाटकोपर ( निलेश मोरे ) विक्रोळीत कोरोना रुग्णांची संख्या ही दिवसेंदिवस वाढताना दिसत आहे. आज पुन्हा 5 नवे कोरोना बाधित रुग्णांची नोंद झाली आहे. यामध्ये खाजगी रुग्णालयात काम करणारी  परिचारिका, डॉक्टर, माजी नगरसेविका यांचा  समावेश आहे.  खबरदारीचा उपाय म्हणून पालिकेने व पोलिसांनी आजूबाजूचा परिसर सील केला आहे व जे कोणीही रुग्णांच्या संपर्कात आलेल्या नागरिकांना कोरोन्टाईन करण्यात आले असून संपूर्ण परिसरात सॅनिटायजर फवारणी करण्यात आली आहे. विक्रोळी मधील टागोरनगर परिसरात काही दिवसांपूर्वी एक महिला सायन हॉस्पिटलमध्ये उपचार घेत असताना तिचा मृत्यू झाला होता तिच्यावर अंतिम संस्कार  झाल्यानंतर तिचा रिपोर्ट हा कोरोना बाधित आला होता त्यामुळे तिच्या संपर्कात आलेल्या नागरिकांची कोरोना तपासणी केली असता त्यातच 6 नागरिकांचा रिपोर्ट हा कोरोना बाधित आला होता. त्यातच पुन्हा आज 5 नव्या कोरोना बाधितांची नोंद झाली आहे एकंदरीत विक्रोळी मधिल कन्नमवार नगर व टागोरनगर मध्ये कोरोना रुग्णांची संख्येत झपाट्याने वाढ होताना दिसत आहे त्यामुळे विक्रोळी विभागातील सर्व परिसर हे कोरोनाच्या दहशतीत असल्याचे चित्र सध्या विक्रोळी नगरीत दिसत आहे.